نصيحة كروية تودى فى داهية

نصيحة لكل مشجع كروى فى مصر
بعد تعديلات الدستور لابد ان تراعى الاشياء الاتية

لو فى جيرانك او الشارع بتاعك ضابط او امين شرطة (اسم الله) او مندوب شرطة او حتى مخبر لابد و ان تتعرف على هويته الكروية

لو كان اهلاوى و انت زملكاوى و احرز عبد الحليم على هدف تخرج فى البلكونة و بصوت عالى تشتم عبد الحليم و الحكم و الجمهور انه ازاى احرز هدف و بعدين تدخل الحمام تفرح براحتك بس متفرحش قوى احسن يطلع حد فى البيت عندك اهلاوى يبلغ عنك

لو كان زملكاوى و انت اهلاوى و فلافيو احرز هدف تفتح الشباك و باعلى صوت عندك تشتم فلافيو و انجولا و خوزيه و كمان جليبرتو و لو شتمت حسن حمدى كمان يبقى كدا ميت فل وعشرة

لو كان زملكاوى لازم تعرف هو من مؤيدى مرتضى و لا عباس و لا درويش و لا اسماعيل سليم و مرسى

لازم تتاكد ان زوجته اهلاوية و لا زملكاوية و مصيبة لو طلعوا الاتنين مختلفين فى الحالة دى تتفرج على المباريات و انت موطى صوت التلفزيون ( و كدا تبقى استفدت انك اترحمت من صوت الغربان اللى عمالة تنهق فى التلفزيون )

لو المحروس طلع مالوش فى الكرة . اى مباراة تذاع تطلع فى البلكونة و تزعق بصوت عالى ايه القرف ده هو كل يوم كورة . مفيش مرة يجيبوا باليه ايقاعى

لما تيجى تنام بالليل تنام و انت مغمض عين و مفتح عين و متديش الامان التام لمراتك او عيالك

لو حد من عيالك طلب منك زيادة المصروف تزوده عن طيب خاطر ليفقعك بلاغ فى القسم و عينك ما تشوف اللا النور

لو مراتك طلبت فستان اواى هدية تشتريها من غير ما تفتح فمك بكلمة و لا تقول حرف واحد يدل على الاشمئناط ( حلوة صح) حتى تأمن شر بلاغ ينزل عليك من السما

لو منتخب مصر بيلعب و انت شايف ان مستواه وحش اوعى تشتم منتخب مصر لازم تشتم كوت دايفوار

تطبيقا لمبدء الشفافية يا ريت تخلى بيتكم كله زجاج

لو انت طالب و عايز تزود المصروف تخش على ابوك بقلب جامد و تقله هتزود و الا ..... هيزودهولك هوا

لو ابوك مختلف عنك فى الهوية الكروية او مش بيحب الكورة و انت عايز تتفرج على المباراة قاله بس ده فلان جارنا ( الظابط) بيتفرج دلوقتى على المباراة و انسى ان ابوك يعارضك تانى

لو انت مش عندك الايه ار اتى و نفسك تشوف الدورى الانجليزى قرب من اهلك بكل حنية و قلهم ده اسماعين بيه جارنا من مشجعى المان يونيتد و خش نام هتصحى تلاقى الايه ار تى و الاوربيت و الشوتايم و يمكن ابوك يبعتك تتفرج عليه فى انجلترا

لو حد كتب موضوع زى ده مش عاجبك متبلغش الاشراف . امسك سماعة التليفون بلاغ لاقرب قسم تقول فيه الراجل ده بيشتم الحكومة

لو حد رد عليك رد معجبكش اوعى تشتمه ارزعه بلاغ فى القسم و تبعتله رسالة تقولوه هتوحشنا

خزن فى بيتك كمية كبيرة من العيش و الحلاوة علشان اسعارها هتغلى و متتعبش اهلك فى التدوير عليها

لو انت مدخن انصحك تشترى اسهم فى الشركة الشرقية للدخان علشان يوصلك التعيين كل يوم و انت مش شايل هم

لو عايز تخطب بلاش تطبق المثل اللى بيقول قبل ما تناسب حاسب و طبق المثل اللى بيقول اللى ليه ظهر مينضربش على بطنه

م
ن
ق
و
ل
رفيف

مشكووووووووووووورة خيو على النصيحة
تسلمي

مشكورة قمر على المرور الراااائع والجميل